Mikoła Vasilonak Hacuk (Hacak) | |
Дата нараджэньня | 1839 ці 1843 |
Дата сьмерці | 12 кастрычніка 1903 |
Месца сьмерці | 30px Лейчыцы, Бортніцкая воласьць,
Бабруйскі павет, Менская губэрня, Расейская імпэрыя |
Нацыянальнасьць | Беларус |
Веравызнаньне | праваслаўе |
Род | Гацакі |
Бацька | Васіль Гацук |
Маці | Зяновія Яўхімаўна NN |
Дата шлюбу | 12 лютага 1865 |
Месца шлюбу | 30px Дваранінавічы, Бортніцкая воласьць,
Бабруйскі павет, Менская губэрня, Расейская імпэрыя |
Жонка | Фёкла Кузьмінаўна Вяроўка (1847-?) |
Дзеці | Ульлян Гацак (1866-?), Антон Гацак (1873-?),
Іван Гацук (1874-75), Макар Гацак (1879-1880), Міхал Гацак (1881-?), Хведар Гацак (1884-1901) |
Мікола Васілёнак Гацук (Гацак) (1839 ці 1843 - 29 верасьня (12 кастрычніка) 1903, Лейчыцы, Бортніцкая воласьць, Бабруйскі павет, Менская губэрня, Расейская імпэрыя)
Сям'я[]
Бацька - Васіль Гацук, маці - Зяновія Яўхімаўна NN (1822-1890).
Ажаніўся 31 студзеня (12 лютага) 1865 ў Дваранінавічах. Жонка - Фёкла Кузьмінаўна Вяроўка (1847-?). Сьведкі па жаніху - Сьцяпан Якаўлёнак Ламанос і Іван Агеёнак Манько, па нявесьце - Іван Хведаронак Краўчанок і Іван Якімёнак Махлакоў.
Дзеці:
- Ульлян Мікалёнак Гацак (1866-?)
- Антон Мікалёнак Гацак (1873-?)
- Іван Мікалёнак Гацук (1874-1875)
- Макар Мікалёнак Гацук (1879-1880)
- Міхал Мікалёнак Гацак (1881-пасьля 1932)
- Хведар Мікалёнак Гацак (1884-1901)
Біяграфія[]
Селянін, працаваў у маёнтку Рыньня. Быў пісьменным.
Прыкладна ў 1866-1873 служыў у расейскай імпэратарскай арміі, даслужыўся да званьня старшэйшага вунтар-афіцэра.
10 лютага 1862 у Дваранінавічах хросны Піліпа, сына Конана Якімёнка Вяроўкі й Ганны Піліпаўны зь Лейчыцаў
26 ліпеня 1882 у Міхалёве сьведка на шлюбе Марка Данілёнка зь Лейчыцаў і Настасьсі Мартынаўны Манько з Дваранінавічаў
7 кастрычніка 1882 у Міхалёве сьведка на шлюбе Піліпа Кананёнка Вяроўкіна зь Лейчыцаў і Аграфены Кліменатаўны Арэшкі з Узногі
У 1884-1886 судзіўся із сваім стрыечным братам Якімам Міхалёнкам Гацаком за права валоданьне родавымі землямі - 27 дзесяцін 290 сажаняў (29,63 гактары). На момант пачатку разьбіральніцтва валодаў толькі адной дзесяцінай (1,09 гактары), у той час як бязьдзетны Якім - паловай земляў, а ўдава брата Івана Агапа - астатнімі землямі. У выніку 25 чэрвеня 1884 змог дамагчыся атрыманьня чвэрці родавае зямлі, але ня здолеў супрацьстаяць перадачы Якімам зямлі Сямёну Арэшку й захаваньня яе ў рукох Гацакоў.
20 студзеня 1891 у Міхалёве сьведка на шлюбе Ісака Паўлёнка Шафара з Дваранінавічаў і Марыі Кіпрыянаўны Равуцкай зь Лейчыцаў
У 1896-1897 разам з пляменьнікам Міхалам Іванёнкам Гацаком паўторна судзіўся з Паўлам Семянёнкам і Ульлянай Лук'янаўнай Арэшкамі супраць незаконнай перадачы ім паловы родавых земляў Гацакоў, што належылі Якіму Гацаку. Сьцьвярджаў, што ўва ўмовах адсутнасьці ў Якіма дзяцей ён разам з пляменьнікамі зяўляўся адзіным законным спадчыньнікам змаёмасьці стрыечнага брата, што Сямён Арэшка быў несваяком, а прымаком-здольнікам у Якіма і атрымліваў за гэта грошы, што тастамэнт Якіма ад 8 сьнежня 1884 на зямлю быў прызнаны ў неадпаведнасьці заканадаўству. Таксама зьвяртаў увагу на ўпярэджанасьць судзьдзі ў 1884. на тое, што той не даваў яму выступаць у судзе й ня выслухаў сьведкаў. Тым ня менш рашэньне суду ад 1884 засталося нязьменным.
17 кастрычніка 1899 у Міхалёве сьведка на шлюбе Зьмітра Іванёнка Балдзянкі з Хімоў й Аляксандры Аляксееўны Шынц з Дваранінавічаў
Памёр ад запаленьня лёгкіх, пахаваны 31 верасьня (14 кастрычніка) 1903 на вясковых могілках у Лейчыцах.
Крыніцы[]
- Мэтрычныя кнігі Дваранінавіцкае праваслаўнае царквы Бабруйскага павету: НГАБ, фонд 136, вопіс 18, № 32, 41, 46 - 1862, 1865, 1866 гады;
- Мэтрычныя кнігі Міхалёўскае праваслаўнае царквы Бабруйскага павету: Фонд 136;
- Справа па скарзе Гацака, селяніна в. Лейчыцы Бортніцкай вол. Бабруйскага пав., на перадачу яго спадчыннага надзела сваякам (1884-1886). НГАБ, фонд 242, вопіс 1, справа 3472;
- Справа па скарзе Гацакоў, сялян в. Лейчыцы Бортніцкай вол. Бабруйскага пав., на недапушчэнне іх да карыстання спадчынным участкам зямлі сялянамі Арэшкамі (1896-1897): НГАБ, фонд 242, вопіс 1, справа 3471.
Катэгорыя:Асобы па альфабэце Катэгорыя:Гацакі Катэгорыя:Памерлі 12 кастрычніка Катэгорыя:Памерлі ў 1903 годзе Катэгорыя:Памерлі ў Лейчыцах